Sektor D - üsi Stehplätz
Verschideni Gruppe u Fans vom FC Bieu trätte zäme ungerem Name Stehplätz Rot Wiss uf. Üses dehei isch dr Sektor D, i wellem mir dr Support für üse Verein koordiniere, ä Ahloufsteu für aui Fans biude und gmeinsam d'Mannschaft lutstarch ungerstütze. D'Stehplätz Rot Wiss si offe für aui. Jedi und jede wosech für üse Verein oder üsi Kurve wott ihbringe isch härzlech wiukomme. Z'Zieu isch d'Fanszene vom FCB Schritt für Schritt vorwärts zbringe.
We du ä Teil drzue wotsch biträge, de nimm doch mit üs Kontakt uf. Am eifachste geit das bim Kurveshop im Stadion oder schüsch o per Mail a info@stehplaetz-rot-wiss.ch.
Kurve-Shop
Bide Heimspiu verchoufe mir im Zwüschegschoss vo dä Stehplätz üsi Artiku wie Jagge, Pullis, Shirts usw. im Kurve-Shop.
Mir hei ke Online-Shop u verschicke entsprechend o nüt - chumdr dini Sache im Stadion cho hole. Zahle chasch Bar oder mit Twint.
Mir im Internet
Im Internet fingsch vo üs nur die Site wo jetzt grad druffe bisch. Nebst dr Website heimer no üse WhatsApp-Kanal womr Informatione ströie. Uf andere Plattforme, Social Media oder ähnlechem simer nid präsent.
Für am WhatsApp-Kanal z'fouge hie uf ä Button klicke oder dr QR-Code scanne.
